[2011.3.25] SVSound 2011年試聽會

(photo from http://svsound.com/)
喺香港為人熟識嘅超低音品牌唔多例如M&K/MK、Velodyne，Sunfire，JL Audio等，以上幾隻都可以喺唔同嘅代理試到，但近呢兩年討論區出現咗一個新嘅名字，就係嚟自美國嘅SVSound! 一般人稱SVS或郵筒，為何叫郵筒呢?原因SVS有幾款超低音嘅箱體設計為圓柱型，而當中旗艦型號PC13 Ultra體積達46"高 圓周為16"，因此網友一般將圓柱型嘅型號稱為郵筒。

(photo from http://svsound.com/)

一般人買影音產品都會喺商鋪或代理度試過效果先，但過去兩年SVS未有喺香港設有門巿，如果要買只可以經台灣代理直接訂購，Anthony嘅一位老友都係用呢個途徑購買佢嘅PC12。老友表示買嘅時候真係好驚，有少少隔山買牛嘅感覺，最後郵筒當然安全送達啦，如果唔係Anthony都唔會家訪呢位老友後中咗SVS毒，購入PC12-Plus啦。

其實香港有一位資深影音玩家Martin兄早於三四年前已經開始喺討論區攪起團購來，聽聞更創下過百萬團購嘅紀錄。但SVS喺香港一直都好似披著神秘嘅面莎，要試聽只能夠靠家訪擁有SVS嘅朋友，又或者係等每年嘅試聽會。

直至早一兩個月Anthony行開友誠驚見SVS最新嘅箱體型號SB12NSD喺鋪頭有得試!心想真係好，一小眾人嘅玩意終於可以發楊光大嘞。將會有更多人認識呢隻高價性比嘅超低音。

而早前Martin兄亦喺討論區發起2011年第一次嘅SVS試聽會，Anthony好有幸可以報名參加。而今次亦係Anthony第一次參加該討論區嘅活動，所以既期待又興奮。

活動當日嘅試聽會場地大約二百零三百呎，唔算好大，但都可以容納到大約十三四人。當Anthony到達時，活動已經開始咗，當時專程由台灣遠道而嚟嘅Tory兄正喺度用不同嘅圖表講解緊不同箱體嘅SVS超低音特性，同埋解釋點解會有玩家抱怨SVS唔夠punch嘅情況，例如係因為無好好用EQ處理家居環境中出現某頻段嘅峰值而令該某頻遮蓋其他應有嘅頻段，真係十分專業。

理論講完就緊係試下SVS嘅威力啦，當日試聽會嘅器材有Pioneer嘅AV AMP同Blu-ray機同多款SVS超低音，包括PC13-Ultra，SB13-Ultra，PC12NSD同SB12NSD，而全部超低音都已經用上最新嘅數碼AMP。除咗超低音外，七個聲道嘅喇叭係用上SVS嘅入門STS系列。

Tory兄先分別用上幾隻唔同型號超低音試同一段交響樂，令各位朋友體驗到唔同箱體嘅特性，Tory兄同Martin兄分享道密封型(箱體)同氣孔型(郵筒)嘅下潛力都差唔多，但伸延性氣孔型會比較好，但密封型會較好嘅收放速度，的確唔同型號出嚟嘅低頻亦有少少唔同。

而開始時Tory兄再三表示Anthony同另外兩位網友所企嘅最後排會有少少註波，因調校時係用最前排位置為主。

試完交響樂後，喺無網友提議下Martin兄就拎隻Flight of the Phoenix出嚟分別用SB12NSD，PC13-Ultra同SB13-Ultra試墜機一段。

幾隻唔同型號嘅SVS都能輸出十分強勁嘅低頻，雖然如此，但Anthony未有感到因註波而出現不適。而他音效亦十分出眾，萁中一段Anthony感到試聽會個空間好似同戲中嘅機倉一齊溒動，十分過癮。

之後Anthony大膽提議試下由Anthony帶嚟嘅War of the World，因Anthony覺得呢套戲係十分能夠特顯SVS嘅下潛力同包圍感。而Martin兄就表示呢套Blu-ray佢都經常會試。

不出所料，SVS嘅下潛力未有受到考驗，正如Martin兄所講，喺無依靠場中任何物件下，Anthony嘅整個身體都感覺到低頻嘅存在，褲管至衫袖都有微微陏動。不過機器人從地底爬出時就感到Tory兄早前所講嘅註波情況，但未致不適。而中片段中特如其來嘅雷聲亦可以表現出SVS嘅SSS-02 bi-pole surround嘅速度反應都十分理想。

最後網友提出試下集結號第一段兩軍對敵嘅場面。

SVS始終係氣氛形造嘅超低音，槍炮聲並不是SVS嘅強項，所以當播放衝擊力為主嘅集結號時的確會比之前兩套稍為失色。會後Anthony曾向Martin兄查詢得知今次試影會中將前置所用嘅STS-02 crossover set至80hz，而睇spec STS-02係可以下潛到60hz， Anthony相信如果將前置嘅crossover set低少少，將一啲較需要衝擊力嘅工作交多少少畀高效能嘅前置做，可能會有唔同嘅效果。不過以Martin兄同Tory兄嘅調校功力以上都係一啲小問題啦。

試過唔同箱體嘅SVS後Anthony都係鍾情於氣孔型嘅伸延同包圍感。另外值得提提係SVS STS系列嘅喇叭，感覺上STS系列係近似Klipsch一類高效能嘅睇戲喇叭，睇睇個spec sensitive值達90.0 dB之高。中高音十分特出，感覺上十分易推，啱一啲鍾意剌激音效嘅朋友。

最後要多謝Martin兄同Tory兄舉辦今次嘅試聽會，作為SVS嘅愛好者，夠能有份參加今次活動真係好開心。在此亦希望有更多嘅朋友識認SVS。

-全文完-


PS:以上為Anthony非專業個人感受，如有得罪請多多包涵。

[2011.3.25] 家訪康師父德意力作的組合

Anthony覺得玩影音最重要係要清楚知道自己要啲咩，唔好盲目跟從。講到底家庭影音係供自己一家大細玩，啱自己口味係首要條件。當然亦唔可以固步自封，太過偏離。有機會多與同好互訪，對同好意見要過濾再吸收，睇多聽多自然會揾到自己嘅路。所以Anthony經常都話家訪幫網友校機，得著嘅唔止係網友，Anthony亦從各網友中偷咗唔少師。

另外帶眼識朋友都好緊要，一啲一心害你駛錢嘅朋友都係遠離啲好，好不辛Anthony朋友當中就有兩位不懷好意，日日想用自己套毒死Anthony嘅朋友，一個係的士雄，而另一個係今次嘅家訪主角康師父。康師父係早前幫Anthony拉獨立電嘅網友(當然係有牌架啦)，打功夫就力從地起，玩影音就力從電起，拉咗獨立電之後Anthony嘅系統係整體上一齊提升，呢個又係多得康師父嘅毒害。

同康師父熟落除咗係因為上次拉電工程外，康師父同Anthony都係用上嚟自德國Elac FS247喇叭，Anthony識認用Elac嘅網友唔多，只有兩三個，識用Elac咁有tastle嘅人自己會投契啲啦(笑)。

早前康師父打電話嚟希望Anthony可以幫幫手校下部Panasonic PY800 Plamsa TV，重要係咁叫我快啲上去。今次已經係Anthony第二到訪康師父屋企，上一次已經係上年8月去完影音節後，上去康師父度坐坐，試聽一下胆前胆後推Elac 247，到呢一刻Anthony重記得當晚由Elac FS247出嚟嘅人聲密度，的確好"領"嘢。半年後，康師父嘅系統亦已經面目全非，先睇下康師父嘅Gear List先:-

AV System
TV :Panasonic PY800H (PC:PE Lab ST)
Sources:Pioneer BDP-05FD
AV AMP:Marants SR 7005
Front Speaker:ELAC 247
Centre Speaker: Infinity Alpha Centre
Surround Back Speaker:AR Edge
Subwoofer: JL Audio F112 (PC:PE Lab AS)
Power:Lightspeed Powerfilter CLS 3200(PC:PE LAb AS)
2 Channel
CD Transport:North Star Desgin Model 192
DAC:North Star Desgin Model 192 MK II
Pre-Amp:Diy Tube Preamplifier
Power Amp:KURSUN V8i

睇睇康師父原來啱啱換咗JL Audio嘅F112 sub-woofer，連同早前購入嘅Marantz SR7005，同嚟自意大利嘅North Star Design嘅CD Transportor同DAC，系統上真係面目全非。

Anthony建議先攪咗畫面先啦，康師父竟然話"我無諗住叫你上嚟校機喎，我諗住叫你上嚟聽嘢咋!"嘩!呢啲多多無好人，擺到明昆Anthony上去落毒。原因康師父係玩兩聲道為主，佢成日同Anthony講用胆推Elac人聲點好聽密度點高，而Anthony自知耳力，定力同財力都唔夠，一直唔敢踏入兩聲道。好啦，其實Anthony都一早準備咗3隻聽開嘅CD，試下同自己平時聽開嘅有咩唔同。三隻CD同試聽嘅歌曲同音樂分別係:-

原音精選 2010
1. 祝我幸褔
4. 追憶
7. Brahms Violin Concerto in D III movement : Allegro giocoso
8. Shenandoah

Winterplay-Song of Colored Love
4. Billie Jean
5. Quando, Quando, Quando
7. I've beena a bad girl

Olivia - 夏夜晚風 live
3. Killing me softly with his song
4. 如燕
5. 夢一場
12. 我願意

因為Anthony比較少接觸兩聲道，只可以簡略講講Anthony喺康師父套系統出嚟同Anthony家中嗰套嘅分別。低頻嘅結實，量感同下潛力都比Anthony度好，而人聲密度無上次咁實但相比起嚟更加自然(上次實到好似石頭咁)，口形亦比Anthony度大。歌者嘅感情表現得更好，有好有高低起伏。音樂分離度更好，樂器聲更清晰咁分辨得到。最明顯嘅係原音精選第4 cut"追憶"中嘅風琴聲係Anthony第一次聲到。

Anthony推算分晰力同樂器分離度係嚟自CD transportor同DAC，人聲密度同感情係嚟自胆前級，而低頻下潛力同量感係嚟自Kunson V8i 500w @ 4ohms嘅後級，簡單嚟講康師父嘅系統喺兩聲道方面全面壓到Anthony家中嘅嗰套。

話雖如此，Anthony亦要多謝康師父呢套咁高質素嘅系統令佢今次嘅奸計未能得呈。原因係Anthony發覺當越靚嘅器材，傳真度越高，而所有輕微嘅不足都會倍數放大，所以訊源嘅要求亦同時相對提高。就當晚試聽一啲平時Anthony喺家中聽開覺得幾好聽嘅CD時，出現因錄音質素數差勁而令歌曲變得難聽嘅情況。

Anthony對歌曲本身嘅旋律同演唱者嘅表達比起CD嘅錄音質數更重視，Anthony唔希望因錄音嘅質素而放棄本身喜愛嘅歌曲，而高質素錄音嘅CD一般都會較貴，因此喺家中嘅系統必需包容到低劣錄音嘅CD大前提下，Anthony只好暫時方棄步入兩聲道世界，今次亦成功化解咗康師父嘅劇毒，真係執返身彩。

康師父見兩聲道毒Anthony唔死，就出動多聲道....睇戲，先試試Mr. & Mrs. Smith先。

第四段男女主角兩中跳舞，雨聲包圍感唔錯，而JL F112嘅下潛力亦將行雷聲嘅好好咁表現出嚟。

屋內槍戰一段，迅變十分好，Anthony好突如其來嘅撞車聲嚇一嚇，而槍戰後一段嘅background music十分動聽，Marantz嘅音樂感真係一流。

康師父聽到Anthony話Marantz音樂感好，就即刻話演唱會先係馬仔強項，好!又試下容袓兒最新嘅Number 6演唱會，選上"痛愛"一曲。

現場感唔錯而人聲表現亦到位，不過始終隻JL F112早兩日先到，喺未run-in嘅情況下未夠鬆容，Anthony個人口味覺得個低頻打得勁得滯，有少少過火。而康師父表示因為隻JL只係到咗兩日，現時都係摸緊點set，相信run-in後會有更好表現。

時候都唔早，既然都帶齊架生嚟到，Anthony就用隻AVS校機碟簡單咁幫康師父調教下部Panasonic PY800 Plasma嘅Basic Setting先走。

當日家訪其間，康師父不停咁讚幫咗對Elac換咗原裝腳釘後，表現點提升法，真係驚死毒Anthony唔死咁。

最後多謝康師父嘅邀請，畀個機會Anthony可以試一下用胆機推Elac FS247聽下兩聲道，雖然毒Anthony唔死，但已經係一次難得嘅體會，至於上文話康師父多多無好人，聰明嘅你都知Anthony係講反話啦，實際上康師父係Anthony識認嘅網友中嘅大好人。

-全文完-

[2011.3.23] 家訪是嗎兄的雙十大畫面

對於Anthony嚟講一套影音系統中最難玩得好莫過於係sub-woofer，佢可以話係氣氛形造嘅功臣。雖然話家庭影院好睇自己口味，不過都唔可以太偏離。如果將sub-woofer 嘅聲量set得太細可能會無氣氛同唔夠剌激，相反set得太大會出現blooming同諧震等問題。Anthony都花咗唔少時間調校隻SVS PC12 Plus，但都未能完全滿意現時嘅低頻表現。sub-woofer玩一隻都咁難，可況係玩兩隻甚至係三隻四隻嘅sub-woofer時，調校所需要嘅時間、精神同功力都要以倍數咁增加。現時好多日本品牌都推出7.2，9.2甚至11.2嘅AV AMP，令更多發燒友加入玩雙十嘅系列，雖然今次家訪嘅主角唔係用上7.2/9.2嘅AV AMP，不過佢都受前輩嘅影響用上兩隻sub-woofer，佢就係是嗎兄。

Anthony喺網論區中收到是嗎的短訊，表示希望邀請Anthony幫手調教新入手嘅Sony HW20投影機外，亦對現時聲音上嘅setting唔係咁滿意，希望Anthony可以畀下意見。有家訪Anthony當然來者不拒啦。

嗎兄嘅影音環境大約百多呎，大約10呎距離睇90吋畫面，聲音方面用上5.2系統，先睇睇是嗎兄嘅gear list:-

AV Processor:ONKYO876
PRE AMP:PARASOUND A 52
Speakers:USHER S 520 & S525
Sub-woofer: VELODYEN DD 10 & M&K KX-12
Blu-ray Player: OPPO BDP-93
Projector: Sony HW20
Screen: OS Pure Matt 2 Plus 90”

先嚟嘅係為是嗎兄調校部Sony HW20投影機，今次係Anthony第二次接觸HW20，重要係一星期內校兩次HW20。先將HW20嘅模式由"用戶1"改為"影院"，而Gamma用上"用戶3"，而色温繼續用上"用戶3" ，之後先用AVS HD709校機碟調校一下基本setting，其實HW20出廠嘅設定已經十分接近標準，只要微調一下已經好快咁完成基本調校。之後再用ColorHCFR配合SpyderTV3量度一下灰階同色域，從SpyderTV3量度出嚟嘅樓據顯示現時嘅灰階已經十分接近D65呢個水平，只係紅色用藍色嘅色温有輕微不足。是嗎兄表示原來呢部HW20早前因為被討論區借用作投影機比試，而因此網友Chris兄亦曾為呢部機調校過，只不過上一次係針對投影機比試場地光師父影音室嘅環境作調校，唔怪得個setting咁接近啦。Anthony向是嗎表示現時量度出嚟嘅數據差異有兩個可能性，第一係因調校環境嘅不同所引致，第二係因兩隻唔同嘅量度儀器出現嘅偏差。

當進入色温作微調見到紅色同藍色調校至-1X呢個水平，最後只要微微調高就可以達到D65呢個水平，而Gamma值就十分線性地維持喺2.2呢個水平，數值十分理想。最後得出以下數據:-

調校好畫面後，先用Ku Fu Panda試試聲畫。是嗎兄表示畫面上比之前睇到更多細節，而黑位亦唔會出現太過灰浮嘅情況。其實HW20本身出廠時畫面已經十分理想，加上呢部機早前已經有另一網友幫手調校過，Anthony今次只係針對是嗎兄嘅家居環境作微調，工作十分簡單。

聲方面，是嗎兄表示總覺得現時嘅setting前中置比後置搶耳，睇演唱會時更甚。而低頻方面是嗎兄用上M&K KX12加上Velodyne DD10，本來係希望有M&K嘅衝擊力嘅同時亦有墊底嘅氣氛。可惜set極都未達理想。

試咗Ku Fu Panda兩段，Anthony只覺中高音效特出，但未去到搶耳程度。而低頻量的確唔似用上兩隻sub-woofer，甚至比一隻8吋還少，亦感覺唔到M&K KX12嘅特性。當中有啲低頻好似消失左。是嗎兄表示因為聽前輩講只要sub-woofer set得好，係可以用一個setting去睇戲同聽演唱會而唔需要轉setting。(
Anthony都係用一個setting睇戲同演唱會，不過唔係Anthony set得好，只Anthony懶去轉setting(笑)。)因為之前睇某套戲時覺得低頻太多好blooming，所以將DD10嘅聲量由3X大幅調低至1X。Anthony提議試下先調高返DD10兄聲量再試一次。第二次試吊橋打鬥一幕，墊底嘅低頻有返，老虎女嘅心跳聲亦清楚聽得見，不過拳腳聲效還未有M&K嘅狠。都係試埋其他碟先。

Mr. & Mrs. Smith屋內槍戰一幕，人聲同其他聲效特出，而中高比較多，多得Paraound Halo A53嘅幫助前中置力水充足，音效迅變理想。

之後一段，男配角被電話叫醒時屋外嘅貨車同火車聲都清楚，分晰力同Surround Sound都做得唔錯。之後車中男女對話亦清晰。

最後就試下容袓兒最新嘅Number 6演唱會，睇下是嗎兄講嘅問題。選上"痛愛"一曲，今次真係感覺到是嗎兄所講前中置搶耳嘅問題，中高的確有少少響亮，有少少簿。反而後置一般都係一啲拍掌同觀眾叫聲，唔特出係正常。

經了解是嗎兄嘅setting後，Anthony相信前中置槍耳係因為喇叭箱體問題，是嗎兄嘅前置係小型書架喇叭，而低音單圓只有三吋半至四吋左右，喺物理上低頻量會比較少，而中置箱體比前更大，睇戲時七成聲效由中置輸出，所以問題唔會太特出。但當睇演唱會時人聲由前中置一齊輸出而音樂亦依重前置時會現中高特出，低頻稍欠嘅情況。

Anthony建議是嗎兄可嘗試先將前置crossover調高，分多一啲工作畀sub-woofer，而因為是嗎兄嘅喇叭線已經用上Audioquest嘅中高階型號，喺唔需要駛太多錢嘅前提下，Anthony提議可以換走原裝銅片jumper，亦可以試下喇叭線先入高/低音正/負極先後不同嘅組合試下，因為有時畀電唔夠都會出現打得出收唔返令音效搶耳嘅情況。

而低頻方面，因為是嗎兄一直對的士雄嘅setting十分難忘，希望可以有類近嘅效果。以Anthony記憶所及的士雄嘅setting中低十分出眾，剌激有力。Anthony建議可以由現時先由AV AMP到Velodnye DD10再用T字頭出M&K KX12改由AV AMP直接用一出二頭同時到兩隻sub-woofer，甚至依重KX12多啲，DD10只係作助。希望可以惜助M&K嘅狠快去制造出類近嘅效果。

理論還理論，Anthony自己都未有玩兩隻sub-woofer嘅經驗，Anthony以上嘅提議都只係推斷出嚟，未必一定可以幫助到是嗎兄。如果任何朋友有唔同嘅建議不妨提供畀是嗎兄參考一下。

最後多謝是嗎兄嘅邀請畀Anthony有一個試下雙sub-woofer嘅威力，另外亦要對"伯有"因為Anthony今次嘅家訪而有家歸不得講聲唔好意思。喺度祝是嗎兄早日調校出自滿意嘅音效。


-全文完-

PS:以上為Anthony非專業嘅個人感受，如果得罪請多多包涵。